網紅的藏寶箱《點解係7成？》
最近自己一直有個疑問，上網亦都搵唔到答案，唔知有冇人可以解答？
政府同專家一直宣傳，如果總人口七成接種咗疫苗，就會產生群體保護，我諗極都唔明，點解係七成，唔係六成或者八成？
以香港700萬人口計算，七成人打咗針等於490萬，三成人冇打針等於210萬，咁到底點樣可以達到群體免疫？
我假設打咗疫苗嘅人變咗石柱（唔會互相傳染疾病），咁一個有210萬人口嘅城市，全部都冇打針，（城市裏面有幾百萬條石柱），點解呢210萬人有群體保護？
210萬已經超過澳門人口嘅3倍， 佢哋同樣喺城市每一個角落生活……
懇求有醫學方面嘅高人指點迷津。